Adatein us ki thein bas mujh ko jalanay wali

Adatein us ki thein bas mujh ko jalanay wali
Bat ki hans k magar dil ko dukhanay wali

Aj kal wo mujhey kuch badla howa lagta hai
Ho gain us ki nigahein bhi zamanay wali

Hum nay Ikhlas ka daman nahi chora ab tak
Warna us ki to mohabbat hai rulanay wali

Main ny samjha tha guzar jaye ga mosam lekin
Rut_e_barsat bhi nikli to satanay wali

Tumharay vastay ab koi ni hai “wasi”
Khud sy baatein na karo dil ko behlanay wali.